2024-жылдын 13-15-сентябрь күндөрү “Кыргызстан УЭТ” ААКнын филиалы Ысык-Көл электр тармактар ишканасынын окуу-өндүрүштүк базасында 0,4/10 кВ бөлүштүрүүчү тармактарды оңдоо жана тейлөө боюнча ыкчам-оңдоо бригадалары арасында кесиптик чеберчилик боюнча мелдеш өттү.
Мелдешке Ош, Баткен, Жалал-Абад, Чүй, Талас, Нарын, Ысык-Көл жана Бишкек электр тармактар ишканасынын командалары катышты. Бул мелдешке бардык командалар мыкты даярданышкан. 7 этаптан турган мелдеш курч атаандаштыкта өтүп, Чүй электр тармактар ишканасынын ыкчам-оңдоо бригадасы 8 команданын ичинен кесиптик чеберчилиги жогору экендигин далилдеп, 1-орунду жеңип, автоунаа жана акчалай сыйлык менен сыйланышты. Мындан тышкары Чүй электр тармактар ишканасынын ыкчам-оңдоо бригадасы кызматкерлери төмөнкүдөй номинацияларга ээ болду.
Сыйлык ээлери “Ардак грамотасы” жана акчалай сыйлыктар менен сыйланышты. «Кыргызстан улуттук электр тармагы» ААК уюштурган кесиптик чеберчилик боюнча мелдештер ишканалар ортосундагы ынтымакты бекемдеп, кесиптик чеберчилик боюнча тажрыйба алмашууга шарт түзөт.
