Энергетика министрлигинин тармакты жаңылоого, модернизациялоого багытталган иш пландарынын алкагында, 220/110/10 кВ «Кара-Балта» көмөк чордонунда алдыдагы күз-кыш мезгилине карата оңдоо иштери 70 пайызга аяктады.
"КУЭТ" ААКнын филиалы Чүй электр тармактар ишканасынын Көмөк чордондор кызматынын электр куроочулары тарабынан «Кара-Балта» көмөк чордонунда 7 даана жабдууну капиталдык оңдоо, 87 даана жабдууну техникалык тейлөөдөн өткөрүү пландаштырылган.
Учурда келе жаткан кыш мезгилине карата даярдык 70 пайызга аткарылып бүттү. Калган 30 пайыз даярдыкиштери 1-ноябрга чейин аяктайт.
Мындан тышкары реконструкциялоо иштеринин алкагында Т-2 жана С фазаларында 220 кВ киргилерди алмаштыруу иштери жүргүзүлдү.
Бул иштер келе жаткан күз-кыш мезгилин ийгиликтүү өтүү үчүн жана керектөөчүлөрдү сапаттуу жана үзгүлтүксүз электр энергиясы менен камсыз кылуу үчүн жасалууда.
Маалымат үчүн: 220/110/10 кВ «Кара-Балта» көмөкчордондун курулушу 1974-жылыбашталып, 1976-жылы кубаттуулугу 63000 кВА болгон автотрансформатор менен эксплуатацияга берилген. Азыркы учурда көмөкчордондо кубаттуулугу 125000 кВА 3 автотрансформатор, 110 кВ тарапта 7 линиясы жана 220 кВ тарапта 3 линиясы орнотулган. Көмөк чордонду тейлеген персоналдын саны 13 адамды түзөт.
Пландаштырылган оңдоп-түзөө иштери убагында эртен менен
саат 09-00дөн кечки саат 17-00гө чейин электр энергиясы үзгүлтүккө учурайт. Оңдоп-түзөө иштерикайсы аймакта, качан болору тууралуу маалымат Чүй электр тармактар ишканасынын официалдуу сайтына http://chupes.nesk.kg/ru/жана Facebook, Instagram социалдык тармактарындагы баракчаларына жайгаштырылат.
Ошондой эле "Мой свет" мобилдик тиркемеси аркылуу да билдирүүлөр келет. Электр энергиясы боюнча суроолор болсо, биздин күнү-түнү иштөөчү чалуу борборуна 105,1209, 0772001209, 0556001209, 0702001209, (Ватсап) номерлерине кайрылсаңыз болот.
