2026–2027-жылдардын күз-кыш мезгилине даярдыктын алкагында «Кыргызстан улуттук электр тармагы» ААКнын филиалы — Чүй электр тармактар ишканасынын Жайыл райондук электр тармактары (РЭТ) керектөөчүлөрдү ишенимдүү жана үзгүлтүксүз электр энергиясы менен камсыз кылууга багытталган пландуу оңдоо жана алдын алуу иштерин жүргүзүүдө.
2026-жылдын 1-июнуна карата өндүрүштүк программага ылайык төмөнкү иштер аткарылды.
Оңдоо иштеринин алкагында:
84 трансформатордук көмөкчордондун ичинен 33ү оңдолду (39,3%);
50,89 чакырым аба электр берүү линиясынын (6–10 кВ) ичинен 37,8 чакырымы оңдолду (74,3%);
10 ички турак жай электр тармагы толугу менен оңдолуп, жылдык план 100% аткарылды.
Ошол эле учурда электр тармактарынын объектилерин техникалык тейлөө иштери уланууда:
599 трансформатордук көмөкчордондун ичинен 257си тейленди (42,9%);
6–10 кВ чыңалуудагы аба линияларынын 208,1 чакырымы тейленди (48,8%);
0,4 кВ чыңалуудагы аба линияларынын 206,5 чакырымы тейленди (34,6%);
6–10 кВ кабелдик линияларынын 98 чакырымы тейленип, жылдык план 100% аткарылды;
269 ички турак жай электр тармагынын ичинен 123 тейленди (45,7%).
Күз-кыш мезгилине даярдыктын маанилүү бөлүгү болуп электр тармактарын реконструкциялоо жана модернизациялоо иштери саналат. Бүгүнкү күндө Жон-Арык айылында 69 даана жыгач мамыча темир-бетон мамычаларга алмаштырылып, 2 чакырым алюминий зымы заманбап өзүн өзү көтөрүүчү изоляцияланган СИП-2 зымына алмаштырылды. Ошондой эле алтын айылда 23 даана темир-бетон мамыча орнотулду.
Жыл аягына чейин Тунук айылында кубаттуулугу 250 кВА болгон кошумча трансформатордук көмөкчордондун курулушу, ошондой эле жыгач мамычаларды темир-бетон мамычаларга алмаштыруу жана аба электр берүү линияларын СИП-2 зымы менен реконструкциялоо иштерин улантуу пландалган.
Бүгүнкү күндө оңдоо жана техникалык тейлөө боюнча бир катар иштер толугу менен аткарылып, 6–10 кВ аба электр берүү линияларын оңдоо боюнча жылдык пландын 74 пайыздан ашыгы ишке ашырылды. Бул иштер электр тармактарынын ишенимдүүлүгүн жогорулатууга, технологиялык үзгүлтүктөрдүн санын азайтууга жана 2026–2027-жылдардын күз-кыш мезгилинде Жайыл районунун керектөөчүлөрүн туруктуу электр энергиясы менен камсыз кылууга өбөлгө түзөт.
Электр менен камсыздоо боюнча суроолор жаралса, төмөнкү байланыш телефондору аркылуу сутка бою кайрылсаңыздар болот:
105 (чалуу акысыз)
+996 772 001209
+996 556 001209
